Gihinumdom kagahapong adlawa ang kasumaran sa pagkasunog sa NCCC mall Maa ning dakbayan sa savao niadtong Disyembre 23 tuig 2017.
Walo na ka tuig na ang nakalabay sukad nahitabo ang makasubo nga sunog duha ka adlaw una ang Pasko.
Ang maong trahedya miresulta sa pagkakalas sa 38 ka mga kinabuhi nga nagbilin og lalom nga kasakit ug kasubo sa daghang pamilya ug sa tibuok komunidad sa dakbayan sa Davao.
Kahagapong adlawa, ang lokal nga panggamhanan sa Davao, pinaagi sa City Social Welfare and Development Office (CSWDO), naghiusa sa pagdumdum ug pag-ampo alang sa mga biktima.
Isip paghinumdom, pagrespeto, ug pagpasidungog sa ilang mga kinabuhi nga dili malimtan gipahigayon ang usa ka santos nga misa sa San Pedro Cathedral uban ang mga kabanay.
Gipasalig usab sa CSWDO sa pagpadayon ug pagpalig-on sa kapasidad ug kaandam sa komunidad, aron masiguro ang kaluwasan, kalig-on, ug kaayohan sa matag dabawenyo.
Kahinumduman nga pasado alas-Nwebe sa buntag niadtong Disyembre 23, 2017, misilaob ang sunog sa ikatulong andana sa maong mall. Anaa sa maong andana ang mga baligya nga tela, school suppliesug uban pa.
Niadtong mga orasa, sirado pa ang mall gawas lamang sa grocery store ug sa buhatan sa Survey Sampling International kon (SSI) nga nahimutang sa ika-upat nga andana sa shopping mall.
Dali usab nga miabot ang mga kabomberohan aron mapalong ang sunog apan nagpadayon gihapon kini ug nagkakusog hangtod na sa pagka-udto ug hangtod sa pagka-hapon nga miresulta na sa pagkahugno sa tunga nga bahin sa maong gambalay.
Nasayran nga opisyal nga gideklara sa Bureau of Fire Protection (BFP) nga “fire out” na ang sunog alas-singko sa hapon sa Disyembre 24.
