Gipangayo sa Office of the Prosecutor and the Office of Public Counsel for Victims (OPCV) sa International Criminal Court (ICC) Appeals Chamber nga ibasura ang apila sa kampo ni kanhi Pangulong Rodrigo Duterte nga mikwestyon sa jurisdiction sa ICC sa iyahang kaso.
Subay sa pleading nga permado ni Deputy Prosecutor Mame Mandiaye Niang, sa Office of the Prosecutor nga angay ibasura na sa ICC Appeals Chamber ang apila gumikan kay napakyas pamatud-an nga adunay kasaypanan sa desisyon nga nagseguro sa pagbaliktad sa kaso.
Dugang pa niini, ang grounds sa apila sa legal team ni Duterte ang dili insakto ug gikinahanglang ipadayon ang pagdungog.
Samtang gipahayag usab ni Principal Counsel Paolina Massidda sa OPCV nga ang Article 127 (2) sa Rome Statue kung diin ang pagbiya sa Pilipinas sa Rome Statue ang wala nagpugong sa ICC aron mag-imbestiga gumikan kay nagsugod ang kaso kaniadtong miyembro pa ang Pilipinas sa ICC.
Kahinumduman, gipangayo sa legal team ni Duterte sa ICC nga kung mahimo, baliktaron ang ruling gumikan sa hisgutanan sa jurisdiction kung diin walay legal nga basihanan ang mga nahisgutan gumikan kay dili na miyembro sa ICC ang Pilipinas.
Kasamtangang nabilanggo si Duterte sa ICC gumikan sa kampanya niini sa war on drugs sukad kaniadtong mayor kini sa dakbayan sa Davao ug pangulo sa Pilipinas.
