Naka-full alert status ang Philippine Coast Guard (PCG) sugod karong adlawa isip pagpangandam sa protesta nga mahitabo sa Luneta Park gikan Nobiyembre 16 hangtod 18, 2025.
Subay sa direktiba ni Pangulong Ferdinand R. Marcos Jr., padayon nga nag-atang ang PCG aron masiguro ang kaluwasan ug seguridad sa mga Pilipinong moapil sa maong kalihokan, sumala pa sa PCG.
Ang Iglesia Ni Cristo gikatakda sa pagpahigayon sa “Rally for Transparency, Accountability, Justice, and Peace” sugod karong adlawa hangtod Martes sa Quirino Grandstand sa Manila.
Una na nga gibutyag ni INC spokesperson Edwil Zabala nga ang rally dili pakigbahin sa politika.
Dugang pa niya, malipayon usab nga giimbitahan ang mga dili kaanib sa simbahan nga mosalmot sa maong lihok -protesta.
