Gidayeg ug gipasalamatan ni Pangulong Ferdinand Marcos Jr ang mga emergency response teams tungod sa bagyong Uwan.
Gipasabot sa pangulo nga ang preemptive evacuation dako kaayong tabang alang sa kaluwasan sa mga tawo.
Kini ang iyang gisulti sa usa ka situational briefing tungod sa bagyo.
Gipang-utos niya ang lain-laing ahensiya sa gobyerno nga ipadayon ang paghatag og tabang sa mga naapektuhan sa bagyo.
Gidayeg usab niini si Public Works Secretary Vince Dizon ang dali nga pag-ayo sa mga nadaot nga karsada aron dili mapugngan ang pag-abot sa mga ayuda.
Sama niini, gipangmanduan ang Department of Social Welfare and Development (DSWD) nga ipadayon ang pag-apod-apod sa tabang sa mga naapektuhan nga residente, ug gimanduan usab si Health Secretary Ted Herbosa nga siguraduhon nga adunay igo nga medical teams nga naka-standby sa tanan nga evacuation centers.
