Nakasulod na sa Philippine Area of Responsibility (PAR) ang bagyong Uwan. Sumala sa Philippine Atmospheric, Geophysical and Astronomical Services Administration (PAGASA), mga alas-10 sa kagabii, nakasulod na sa PAR ang mata sa bagyo.
Aduna kini kusog nga hangin nga moabot sa 120 kilometers per hour (kph) ug paghaguros nga 150 kph. Nagalihok kini paingon sa west-northwest nga direksyon sa tulin nga 20 kph.
Posibleng makasinati og pag-ulan ang kadaghanan nga bahin sa nasud sa hapon karonf adlawa.
Samtang gilauman nga mokusog pa kini pag-ayo o moagi sa rapid intensification ang Severe Tropical Storm Fung-wong pag-abot niini sa Philippine Area of Responsibility (PAR) karong buntag.
Padayon usab ang pagdako sa kusog niini samtang anaa na kini sa kadagatan sa Pilipinas.
Gikan sa kasamtangan nga kusog, posible nga kalit kini mosaka, samtang anaa pa kini sulod sa PAR.
Sumala ni PAGASA Meteorologist Benison Estareja, posible pa kini makatigom ug dugang kusog sa dili pa kini mo-landfall, ug mahimo kining super typhoon samtang nagalihok paingon sa amihanang-kasadpang (northwest) nga direksyon.
