Lakip nga manubag si kanhing House Speaker Martin Romualdez sa padayong imbestigasyon sa anomaliya sa flood control projects sumala pa ni Ombudsman Jesus Crispin ‘Boying’ Remulla.
Saysay niini, isip kanhing house speaker responsable si Romualdez sa pagtuboy kang kanhing Ako Bicol Partylist Rep. Zaldy Co isip House Appropriations Committee chair.
Kahibaloang, ginatudlo usab si Co nga labing nalambigit sa maong korapsyon. Kahinumdumang una na daan nga mibalibad ang kampo ni Co sa sugo sa Office of the Ombudsman nga magsumite kini og counter-affidavit diin gipadala ang maong mando sa bag-ong address niini apan wala gihapon nga gidawat sa kampo.
Dugang usab ni Remulla, posible nga atubangon ni Romualdez ang kaso batok ‘gross inexcusable negligence’ sa dihang mapamatud-an ang kalambigitan niini.
