Gikondena sa usa ka civic group si Davao City Rep. Paolo “Pulong” Duterte, tungod sa giingong makapadaot nga mga pahayag batok sa Armed Forces of the Philippines (AFP) ug Philippine Coast Guard (PCG).
Sumala sa grupong Alyansa ng Bantay sa Kapayapaan at Demokrasya, ang pagduhaduha sa patriotismo sa atong mga sundalo ug coast guard nga walay ebidensya usa ka insulto sa matag Pilipinong nag-alagad sa nasud.
Kahinumduman nga gibatikos ni Duterte ang AFP human mosulti si Gen. Romeo Brawner nga kaya sa US missile system nga maabot ang China.
Gitawag kini ni Duterte nga “pagpabor sa Amerika.” Gitubag siya ni PCG spokesperson Commodore Jay Tarriela, nga mibutyag nga “divisive noise” lamang ang mga pahayag ni Duterte.
Matod sa grupo, ang ingon niini nga mga pamahayag makapaluya sa panaghiusa samtang nagpadayon ang hulga sa soberanya sa nasud.
Gipanghimakak usab sa grupo ang AFP ug PCG sa ilang padayon nga propesyonalismo bisan pa sa mga pasangil ug pag-atake.
