Nakalas ang kinabuhi sa usa ka minero human kini giluba sa iyang kauban atol sa mainiton nga panag-inum sa Sitio Diat, Barangay Napnapan, alas-3 sa hapon, Oktubre 27, 2025.
Giila ang biktima nga si alyas “Dennis”, samtang ang suspetsado mao si alyas “Ariel”, nga pulos minero ug residente sa Liboganon, Tagum City, Davao del Norte.
Base sa imbestigasyon sa Pantukan Municipal Police Station (MPS), nag-inom ang duha dihang kalit namiktos ang biktima sa suspek, hinungdan sa mainit nga panaglalis.
Tungod sa kalagot, mikuha og ha-it nga hinagiban si Ariel ug gidunggab si Dennis sa managlahing parte sa lawas, nga miresulta sa iyang hinanaling kamatayon.
Ang suspek gidakop sa mga kaubanang minero ug gipasakop dayon sa kapulisan, samtang padayon ang imbestigasyon aron tukion ang tinuod nga hinungdan sa krimen ug ang hustisya para sa biktima.
