Gipahigayon ang panagpulong tali sa mga ginikanan, magtutudlo ug kapulisan kabahin sa nahitabong kagubot sa mga estudyante sa Digos City National High nga mi-angol sa usa ka babayeng estudyante.
Gipangunahan ang samapit nga panagpulong ni Digos City Mayor Josef Cagas aron masayran og matumbok ang hinungdan sa maong panghitabo ingon man mapugngan ang susamang panghitabo sa sunod nga mga panahon.
Nasayran nga gumikan sa maong panghitabo, daghang ginikanan ang nabalaka sa ilahang mga tinun-an sulod sa maong tulunghaan tungod dili sumala pa kini ang unang insidente nga nahitabo sa maong eskwelahan.
Kahinumduman nga gidala sa Davao del Sur Provincial Hospital ang 12-anyos nga high school student nga gikan sa maong tulunghaan human nga giingong gikulata alas-3:00 pasado sa hapon adlaw nga Martes.
Subay sa inisyal nga imbistigasyon sa kapulisan, nagka-on lamang sumala pa ug pastil ang biktima ug kalit nga gikumot ang buhok niini ug gipangtadyakan sa matud pa Napulo ka mga studyante.
Sumala pa sa usab sa ginikanan sa biktima nga daghang buhok ang nangalarot sa batan-on hingdan nga gidala kini sa ospital subay na usab sa gihimong assesment sa Cdrrmc Digos ngadto sa biktima human nga nawad-an kini’g kusog, gisakitan ug ulo, kasuka-on ug sakit ang kalawasan niini.
Kagahpong adlawa, nagpabilin pa sa opsital ang wala panganling biktima. Samtang sa laing bahin, nag-atubangan na sa Prefect of Dicipline ang mga ginikanan sa nangulata sa biktima ug ginikanan niini kauban ang mga personahe sa Digos Police Station.
Tungod sa maong panghitabo, gimando na usab karon ni Mayor Josef Fortich Cagas ang pagtao og dugang CCTV sa gawas ug sulod sa tulongha-an.
Samtang buot usab niini nga makita personal ang mga nalambigit nga mga estudyante sa iyahang buhatan uban ang mga ginikanan niini.
