Gipatuman sa Department of Education (DepEd) Davao City Division ang modular, asynchronous, o blended learning sugod karong adlawa, Oktubre 15, 2025, hangtod sa dugang nga pahibalo.
Gipasabot sa DepEd nga dili kinahanglan mo-report onsite ang mga magtutudlo, apan padayong mo-report ang mga non-teaching personnel aron masiguro ang pagpadayon sa mga operasyon sa eskwelahan.
Gimandoan usab ang mga magtutudlo nga bantayan ang pagpatuman sa blended learning, sigurohon ang padayon nga kalihokan sa pagkat-on, ug ihatag ang gikinahanglang tabang sa mga estudyante.
Gihangyo sab sa DepEd ang tanan nga magpabiling mabinantayon ug ihatag ang prioridad alang sa kaluwasan, hilabi na sa kasamtangang nasinatian nga mga linog sa mga nagkadaiyang bahin sa rehiyon.
