Gipahibalo ni Matteo Bruni, Direktor sa Holy See Press Office, nga gikatakda nga mobiyahe si Pope Leo XIV paingon sa Türkiye ug Lebanon sa katapusan sa Nobyembre ug unang bahin sa Disyembre ning tuiga.
Kini ang unang Apostolic Journeys sa Santo Papa gawas sa nasod sukad sa pagsugod sa iyang pagka-papa.
Sa usa ka pahayag, gibutyag ni Bruni nga gidawat sa Papa ang imbestasyon sa mga Pangulo sa Estado ug sa mga Awtoridad sa Simbahan sa Türkiye ug Lebanon.
Ang pagbisita sa Türkiye maglakip sa usa ka pilgrimage sa İznik sa pagsaulog sa 1,700th anniversary sa First Council of Nicaea, matod pa ni Bruni.
Gidugang niini nga ipahibalo pa ang detalyado nga itineraryo sa Apostolic Journey sa Lebanon sa tukmang panahon.
Atol sa paghinabi pakighinabi gibutyag ni Bishop César Essayan, Apostolic Vicar sa Beirut, nga ang pagbisita sa Papa sa Lebanon usa ka dakong timaan sa paglaum alang sa rehiyon nga nakasinati na sa giyera.
