Patay ang usa ka magtutudlo sa Balabagan Trade School sa Lanao del Sur, Agosto 4 ning tuiga human kining gipusil-patay sa lalaking nakamotor samtang igo ra nagbaktas.
Gani, hugot nga gikondena sa Ministry of Basic, Higher and Technical Education (MBHTE) ang kamatayon ni Danilo Barba ug gipaabot ang ilang pahisubo ngadto sa nagbangutang pamilya.
Usa sa mga anggulo nga nakita karon sa otoridad nga nagpaluyo sa maong mangilngig nga krimen mao ang usa sa estudyante sa biktima nga nabagsak matud pa ug wala matud pa kini nakadawat rason nga gipatay niini ang iyang magtutudlo.
Gumikan sa maong panghitabo, buot makab-ot sa pamilya ang hustisya sa hinanaling panahon.
Apan, sa karon nagpadayon pa ang imbestigasyon sa kapulisan aron hingpit ng madakpan ang mipusil-patay sa biktima.
