Nadawat na sa kampo nila Atty. Israelito Torreon ang motion for reconsideration nga gisumite sa House of Representatives ngadto sa Korte Suprema may kalabot sa giatubang nga impeachment case ni Vice President Sara Duterte.
Kini gikumpirma ni Councilor Luna Acosta, nga usa sa mga abogado sa kaso, kagahapon Lunes, Agosto 4, 2025.
Matod ni Acosta, ilang nadawat ug nabasa na ang dokumento apan ilang hatagan kini og igo nga panahon aron masusi ug masabtan pag-ayo.
Gitakda nga pagatunan sa ilang legal team ang sulod sa MR sulod sa usa ka semana aron masiguro ang tukma nga tubag sa korte.
Samtang ginapaabot pa ang desisyon sa Korte Suprema, giandam na sa kampo nila Torreon ang ilang legal nga posisyon ug mga argumento.
Gipasabot ni Acosta nga andam silang mutubag sa tanang isyu o pangutana nga ipukol kanila may kalabot sa kaso.
