-- ADVERTISEMENT --
Gidakop sa kapulisan ug Criminal Investigation and Detection Group (CIDG) ang usa ka electrician nga si alyas “Tam-tam”, 40 anyos, human masakmit sa iyang panimalay sa Barangay Poblacion, Monkayo, Davao de Oro, niadtong Hulyo 27, 2025, bisperas sa SONA.
Gisilbihan kini og search warrant nga giisyu sa korte, ug nakumpiska gikan sa suspek ang usa ka .38 caliber revolver nga walay serial number, lima ka buhing bala, usa ka granada, ug usa ka blue sling bag.
Mag-atubang karon si “Tam-tam” og kasong paglapas sa R.A. 10591 (Comprehensive Firearms and Ammunition Regulation Act) ug R.A. 9516 (Illegal Possession of Explosives) tungod sa pagkupot og armas ug granada nga walay legal nga dokumento.
-- ADVERTISEMENT --
