Dili muuban si First Lady Liza Araneta-Marcos sa nakatakdang state visit ni Presidente Ferdinand Marcos Jr. paingon sa Estados Unidos sa sunod semana.
Gikumpirma ni Palace Press Officer Atty. Claire Castro ang maong impormasyon, apan wala kini mitug-an sa rason sa iyang dili pag-apil.
Gitakdang himamaton ni Presidente Marcos si US President Donald Trump sa Washington D.C. gikan Hulyo 20 hangtod 23.
Kahinumdumang, gipamatud-an sa usa ka medical examiner sa Los Angeles County nga ang assistant vice president for administration sa Rustan Commercial Corporation nga si Paolo Tantoco namatay tungod sa epekto sa cocaine.
Kini napamatud-an base sa pormal nga taho kalabot sa kaso nga may numero 2025-04377.
Gisaysay sa dokumento nga ang iyang kamatayon giisip nga aksidente.
Lakip usab sa taho ang pangalan sa First Lady, diin gikaingon nakauban ni Tantoco niadtong mga tungora. Si Paolo Tantoco usa sa mga miyembro sa pamilya nga nagtukod sa Rustan’s, usa sa pinakailadong retail chains sa Pilipinas.
