Malampusong nadakpan sa kapulisan ang usa sa mga ginapangita na personalidad sa siyudad human kini masikop atol sa pagsilbi sa warrant of arrest niadtong Hulyo 10, 2025, sa Barangay Magtuod, Davao City.
Ang operasyon gihimo sa Warrant Intelligence Team sa Maa Police Station ilawom sa pangulo ni PMAJ Phillip Uddin, kauban ang Criminal Investigation and Detection Group Davao del Norte District Office Provincial Field Unit (CIDG-DDOPFU).
Giila ang suspetsado nga si alyas “Rere”, 21 anyos, residente sa Barangay Magtuod, ug gikonsiderang Top 1 Most Wanted Person (City Level) tungod sa kasong Statutory Rape.
Ang warrant of arrest gisugo ni Hon. Detchie Casals, Presiding Judge sa Regional Trial Court Branch 33, 11th Judicial Region, Davao City, diin klaro nga walay girekomendang pyansa alang sa temporaryong kagawasan sa suspetsado.
Padayon ang imbestigasyon ug legal nga proseso batok kang alyas Rere samtang gilauman nga aduna pay sunod nga mga operasyon batok sa uban pang Most Wanted Persons sa rehiyon.
