Kini ang gihatagan og gibug-aton ni Palace Press Officer USec. Claire Castro, subay sa gikatakda nga pagretiro ni Ombudsman Samuel Martires karong Hulyo 27, 2025.
Matod ni USec. Claire Castro, wala pa’y napili si Pang. Ferdinand Marcos Jr. nga mopuli sa pwesto ni Ombudsman Martires.
Gipaabot pa usab sa Malacañang ang shortlist nga ihatag sa Judicial and Bar Council (JBC) nga pagapilian sa Pangulo.
Gisiguro usab sa JBC nga adunay 17 ka aplikante ang misumite sa ilang aplikasyon aron mahimong sunod nga Ombudsman.
Lakip sa mga nag-apply mao si Justice Secretary Jesus Crispin Remulla.
Sumala sa JBC, gikatakda ang public panel interviews alang sa mga aplikante karong Hulyo 30, 31, Agosto 1 ug Agosto 4, 2025.
Katungdanan sa Ombudsman ang pag-imbestiga ug pagsaka og kaso batok sa mga opisyal sa gobyerno nga gi-akusahan og krimen sama sa graft and corruption.
