Impeachment case ni VP Sara, dili angay i-dismiss -former IBP President

Gipahayag ni kanhi Integrated Bar of the Philippines president, Atty. Domingo Cayosa nga dili angay i-dismis ang impeachment complaint batok kang Vice President Sara Duterte, pinaagi lamang sa consensus o majority decision.

Kung kahinumduman, gipahayag ni Senate President Chiz Escudero sa usa ka press briefing nga mamahimong i-dismis ang impeachment case pinaagi lamang sa majority vote sa mga senator judge.

Apan gipahayag ni Cayosa, dili importante kung posible o tukma ba kining himuon ang importante mao ang pagpadayon sa kaso ug mapaminawan sa mga senator judge ang katarungan sa duha ka grupo.