Nagkasinabot na ang Department of Energy (DOE) ug ang mga representante sa downstream oil industry aron pagahisgutan ang staggered o inanay nga pagpatuman sa pagpataas sa presyo sa petrolyo.
Kini ang nahimong tubag sa pagpataas sa presyo sa petrolyo sa kalibutan gumikan na usab sa nagkagrabeng tensyon sa Middle East gumikan sa gubat sa Israel ug Iran.
Gipahayag ni DOE Officer-in Charge Sharon Garin, tumong sa nahisgutang lakang nga makuhaan ang kalit nga epekto sa pagsaka sa presyo ilabi na sa sektor sa transportasyon ug agrikultura.
Gi-awhag usab sa DOE ang nahisgutang mga kompanya nga palapdan ang paghatag ug fuel discounts sa transport sector aron mahisgutan pag-ayo nga pagahimuon sa Hunyo 25.
Gipahayag usab ni Undersecretary Alessandro Sales nga ang speculative trading ug dili ang aktwal nga kakulang sa suplay ang nag-unang hinungdan sa pagsaka sa presyo sa produktong petrolyo.
Samtang makighinabi si Garin kauban ang Department of Transportation ug Department of Agriculture karong adlawa, Hunyo 24, aron i-andam ang posibleng subsidiya sa mga drayber ug mag-uuma sa higayong mulapas sa $80 per barrel ang presyo sa petrolyo.
