-- ADVERTISEMENT --
Giila ang Bombo Radyo Philippines atol sa Pasidungog Awards 2025 sa Office of the Vice President tungod sa walay puas niining kontribusyon sa katawhan pinaagi sa dedikasyon sa serbisyo publiko.
Gipahigayon ang maong kalihukan sa SMX Lanang, Davao City diin gitunol sa OVP ang maong award sa Bombo Radyo nga girepresenta ni Bombo Levie De Leon, OIC – Station Manager sa DXMF Bombo Radyo Davao.
Si Vice President Sara Duterte mismo ang nangulo sa maong Pasidungog awards.
Ang maong awards, gihimo sa Office of the Vice President isip pag-ila sa mga indibidwal ug entidad nga adunay katakos mangalagad ug nagpakita sa dili matupngan nga serbisyo alang sa katawhan.
