Nagsugod na ang isog nga pagdumala ni Pangulong Ferdinand Marcos Jr. pinaagi sa pagpangayo og courtesy resignation sa tanang kalihim ug mga labaw sa mga ahensya sa gobyerno. Matod ni Communications Usec. Claire Castro, tumong sa maong lakang nga i-recalibrate ang mga prayoridad sa administrasyon human sa resulta sa bag-o lamang nahuman nga midterm elections. Sumala pa ni Castro nga panahon na kini aron i-realign sa gobyerno ang mga programa ug proyekto nga gilauman sa katawhang Pilipino.
Gibutyag ni Usec. Castro nga ang publiko angay malipay sa maong lakang ni Pangulong Marcos,tungod mapulihan na ang mga opisyal sa mga mas angay nga tawo sa posisyon nga dili tapulan ug dili kurap. Gidugang pa ni Usec. Castro nga pinaagi sa ginahimong recalibration sa Pangulo, mas makapahimulos ang katawhan, ilabi na sa mga proyekto sa imprastruktura, tungod kay mapadali na ang paghatag og serbisyo publiko.
