Nagpatabang na ang Philippine Coast Guard Davao sa mga mananagat og mga nagabyahe sa kadagatan nga duol sa Bucana sa Brgy. 76-A ning dakbayan sa davao mahitungod sa nalumos ug naanod nga Dos anyos nga bata kagahapong adlawa.
Subay sa gipaguwa nga “Notice to all Mariners” nag-awhag kini sa mga anaa sa kabaybayunan ilabi na sa mananagat o mga sea travelers sa pagpangita sa bata nga nalumos sa Davao River sa Purok 6-A, Pagasa, Bangkerohan, Brgy. 5-A ning dakbayan sa Davao. Kahinumduman nga gilayon nga naglusad ug Search and Retrieval operation ang USAR sa central 911 kagahapon pasado alas 9 sa buntag gumikan sa pagkahulog sa Dos anyos nga bata sa dakong sapa.
Sa inisyal nga report sa kapulisan, dali sumala pa nga gisulyan og luwas ang bata nga nahulog sa sapa apan wala na kini natabang pa gumikan sa kalubog ug kasulog sa tubig. Samtang naundang usab ang gihimong pagpangita kagahapong adlawa tungod sa daot nga panahon ug gumikan sa padayon usab nga pagsaka sa lebel sa tubig baha.
