Gisugdan na ang paghatod sa mga AUTOMATED COUNTING MACHINES sa tagsa-tagsang voting centers dinhi sa dakbayan sa Davao alang sa ipahigayong Final Testing and Sealing sa mga makina ugmang adlawa.
Gikanayon sa tigpamaba sa ACE-PPCRV Davao nga si Atty. Aileen Lizada nga ang paghatod og sayo sa mga ACMs sa tagsa-tagsang mga voting centers maoy aron nga masiguro nga fully functioning ang maong mga makina ilabi na sa pag-abot sa piniliay.
Mga tulunghaan nga nahatdan na sa maong mga makinaray mao ang Masawang E/S. Brgy Salaysay, marilog district, S.I.R ELEMENTARY SCHOOL, Don Juan dela Cruz elem school, Toril Bankas Elementary School, Quezon Elementary School, Brgy Daliaon Tungkalan elem school, Brgy Tungkalan ug uban pa.
Dugang pa sa opisyal nga ugmang adlawa usab mahitabo ang simultaneous mock voting diin mupartisipar ang pipila sa mga Board of Election Inspectors, watchers, or volunteers isip partisipante ug dili ang mga opisyal nga mga botante.
Gipaklaro ni Lizada nga mock voting lamang usab ang mahitabo ugmang adlaw ug dili lakip ang tramission sa maong mga boto ngadto sa opisyal nga resulta sa piniliay.
Kahinumduman nga kaniadtong nakalabayng adlaw gipanghatod ngadto sa Davao City Police Office ang anaa sa kinatibuk-ang 1,173 ka mga ACMs ayha kini nga gikuha karong adlawa ug gidstribyut ngadto sa nagkadaiyang voting centers.
