Gipasabot pag-usab sa Malacañang nga walay sagol pulitika ang paglusad sa 20/kilo nga rice program sa gobyerno.
Kini nga pamahayag maoy tubag sa Palasyo human kini gikwestiyon ni Vice President Sara Duterte, nga nagduda sa timing sa maong proyekto nga hapit na ang midterm elections.
Matud ni Palace Press Officer Claire Castro, ang pag-apod-apod sa subsidiya para sa barato nga bugas wala magbase sa eleksiyon, kondili sa panginahanglan sa katawhan, labi na kadtong mga kabus ug anaa sa mga laylayan sa katilingban.
Sumala ni Castro, wala’y “timing” ang paghatag og tabang. Gipasabot usab ni Castro kung nganong wala dayon napatuman ang programa human kini gisaad sa Pangulo panahon sa 2022 Presidential election tungod gikinahanglan ang insaktong pagtuon ug koordinasyon tali sa nasyonal nga gobyerno ug sa mga lokal nga panggamhanan.
