9 ka tambal idugang sa listahan nga walay VAT – FDA

Gidugangan sa Food and Drugs Administration (FDA) ang listahan sa mga essential medicines nga dili na patungan og value added tax (VAT).

Subay sa gipagawás nga advisory sa FDA, ang maong mga tambal ang nahilakip sa Republic Act 11534 o mas nailhan nga Corporate Recovery and Tax Incentives for Enterprises (CREATE) Act.

Tumong niini nga buhaton nga mas abot-kaya ang presyo sa tambal alang sa publiko.

Ang mga tambal nga gitumong niini mao ang alang sa mga pasyente nga adunay cancer, diabetes, high blood (hypertension), sakit sa kidney, ug tuberculosis.

Ang maong listahan nga gipasa na sa FDA ngadto sa Bureau of Internal Revenue (BIR), Bureau of Customs (BOC), ug Department of Trade and Industry (DTI).