Mayor ug 2 ka bodyguard sa Rizal, Cagayan patay human gipamusil atol sa campaign rally

Patay human nga gipusil ang mayor sa Rizal sa probinsya sa Cagayan nga si Incumbent Mayor Atty. Joel Ruma.

Subay sa inisyal nga imbestigasyon sa mga otoridad, nahitabo ang insidente samtang nagpahigayon og pagpangampanya ang mayor sa Barangay Iluru Sur, Rizal, pasado alas-9 kagabii.

Samtang nagpa-picture taking na ang mayor uban sa pipila ka mga residente sa maong lugar, didto na sila gipangpusil sa mga wala mailhing mga suspetsado.

Apil sa mga namatay sa insidente ang duha ka close aide sa alkalde.

Gidala pa sila sa okspital apan gideklara nga dead-on-arrival sa mga doktor.

Nagpadayon pa ang pagpangita sa mga suspek ug imbestigasyon sa mga otoridad kabahin sa maong panghitabo.