Gamay lamang ang misunod sa maximum suggested retail price (MSRP) sa karneng baboy, matod pa sa Department of Agriculture (DA). Kaniadtong bulan sa Marso, gipatuman sa DA ang MSRP sa karneng baboy sa kantidad nga P350 matag kilo sa pigue o kasim, P380 matag kilo sa liempo ug P300 sa ulo.
Gipahayag sa DA nga 10% lamang sa mga nagbaligya ang misunod sa MSRP. Gumikan niini, nagpasidaan si DA Undersecretary Dante Palabrica nga gikinahanglang sundon sa stakeholders ang kasabutan sa MSRP aron dili na magpatuman pa ug mas kusog nga market interventions.
Isip kabahin sa mas dugay nga solusyon, mugasto ang gobyerno ug P1 bilyon aron subling mapadaghan ang mga baboy sa nasud. Tumong sa DA nga mapadaghan ang popolasyon sa baboy sa nasud ug mukabat sa 14 milyon sa tuig 2028 gikan sa 8 milyon sa kasamtangang tuig 2025.
