Pagasugdan na karong adlawa, Abril 16, 2025 sa alas 9:00 sa buntag ang pagtaod sa mga Starlink kits ug solar panels alang sa umaabot nga National ug Local Elections. Gipaabot sa Commission on Elections (COMELEC) ang maong kalihokan isip kabahin sa ilang preparasyon aron masiguro ang mas lig-on ug paspas nga komunikasyon panahon sa piniliay.
Gipahibalo sa COMELEC ang tanang kabahin nga stakeholders, mga kandidato, political parties, citizen’s arm ug ang media nga aduna’y kalihokan nga ipahigayon kalabot sa preparasyon sa eleksyon. Lakip sa mga lugar nga makadawat og tig-usa ka kit mao ang Bolton Elementary School sa Barangay 38-D, Magallanes Elementary School sa Barangay 1-A, ug Wireless Elementary School sa Barangay 6-A. Samtang tulo ka kits ang ibutang sa Bucana Proper ug duha sa Kabacan, Bucana.
Samtang ang mga materyales kasamtangang nahimutang karon sa Davao City Police Office (DCPO), nga gitakdang warehouse sa COMELEC Davao City human nareport nga ang ubang election paraphernalia kaniadto nasayran nga naa sa usa ka pribadong lugar sa Dumanlas, Buhangin. Dugang pa, ang pagtaod sa Starlink ug solar panels giila nga dakong tabang aron masiguro ang seamless ug transparent nga eleksyon karong 2025.
