Patay ang usa ka drayber sa Van human nga nalambigit sa disgrasya niadtong nakalabay nga adlaw sa Brgy,. Darong Sat. Cruz, Davao Del Sur. Subay sa report gikan sa traffic section sa Sta. Cruz Municipal Police Station nga nahitbao ang panagbangga pasado ala-Una sa hapon atol sa nahitabong pag-ulan.
Subay sa inisyal nga impormasyon sa mga otoridad, tulo ka mga sakyanan ang nalambigit sa disgrasya nga gilangkuban sa dump truck, L300 Van, ug Commuter Van. Sumala pa sa mga otoridad nga ang dump truck gimaneho sa usa ka alais “Jes” 35-anyos nga taga Matalam North Cotabato, samtang ang L300 Van, gimaneho ni alias “nat” 50-anyos nga residente sa Disgos City, samtang ang Commuter Van ang gimaneho sa usa ka alias “Yap” 40-anyos nga taga Cotabato City.
Subay sa imbistigasyon sa kapulisan, ang dump trucl ug L300 Van nagbiyahe sa susamang direksyon padulong sa Digos City, samtang ang V3 nagbiyahe padulong sa dakbayan sa Davao. Ang L300 Van nagsunod sumala pa sa sa dump truck nga nag-okupar sa inner lane, samtang ang commuter Van ang anaa usab sa susamang lane nga anaa sa pikas dalan.
Apan kalit sumala pa nga nag-overtake ang commuter Van hinungdan nga nawad-an kini og kontrol nga miresulta sa dump truck ug sa L300 Van. Tungod sa nahitabo, nakaangkon og bun-og ug mga samad sa lawas ang sakay sa Commuter Van nga daling gidala sa Davao del Sur Provincial Hospital sa Digos City pinaagi sa Sta. Cruz Municipal Disaster Risk Reduction and Management Office (MDRRMO). Apan pipila ka oras ang nakalabay, nakabsan sa kinabuhi ang drayber alas 4:30 sa hapon samtang ang kauban niini ang padayon nga gitambalan karong panahuna.
Gumikan sa maong panghitabo, nagtambag karon ang mga otoridad nga likayan ang pag-overtake sa laing mga sakyanan ilabi na sa National Highway aron makalikay sa disgrasya.
