Panahon na matud pa aron tubagon ni kaning Pangulong Rodrigo Dutere ang mga krimen nga mga nabuhat ilawom sa administrasyon niini.
Kini ang gihatagang gimbug-aton ni kanhing Senador Leila De Lima human sa nahitabong pag-aresto kaganihang buntag sa kanhing Pangulo nga naatubang sa kaso nga crime against humanity.
Sa usa ka statement gikanayon ni De Lima nga ang pag-aresto sa kanhing Pangulo ang pamatuod nga walay mas labaw sa balaod.
Dugang pa sa kanhing Senador nga long-overdue na kini padulong sa pagkab-ot sa hustisya ilabi pa kay dugay na kining ginapaabot sa mga pamilya nga biktima sa extrajudicial killings atol sa maduguong war on drugs.
Gihatagaan usab og gimbug-aton ni De Lima nga karong panahona dili labot sa retribution apan kalabot kini sa hustisya.
Dugang pa niini nga dili dinhi nahuman ang laban apan kinahanglan usab nga manubag ang mga nagpaluyo sa maduguong kampanya sa iligal nga droga.
Gisiguro usab ni De Lima ngadto sa mga pamilya sa biktima sa extra judicial killings nga ilahang ipadayon ang suporta ngadto kanila hangtod nga makab-ot ang hustisya.
