Idugang sa listahan sa ONE Championship Hall of Fame ang pangalan ni Bibiano “The Flash” Fernandes human sa iyang kataposan nga pagretiro.
Kaniadtong Pebrero 20, midaog si Fernandes sa iyang away batok sa Filipino MMA fighter nga si Kevin ‘The Silencer’ Belingon nga gisundan sa pagpahibalo sa iyang pagretiro.
Sumala pa ni ONE Chairman Chatri Sityodtong, nga si Fernandes mamahimo nga kabahin sa ‘Hall of Fame’, gumikan usab sa iyang maayo nga performance sa tibuok niini nga karera sa maong liga.
Ang induction ceremony mahitabo sa Marso 23 sa Saitama Super Arena sa Japan.
Sumala pa niini nga ang mixed martial arts natawo sa Japan ug angayan lamang nga ipahigayon sa maong nasud ang pag-ila sa mga outstanding MMA fighters.
Si Bibiano “The Flash” Fernandes usa ka kanhi 11-time ONE Bantamweight MMA World Champion kansa ang karera nag-una sa dihang nagmintinar kini og limpyo nga rekord sa siyam ka sagunson nga away.
