Miubos na sa P8 matag kilo ang farmgate price sa kamatis, samtang, anaa sa tunga-tunga nga bahin sa harvest season, subay sa monitoring sa Samahang Industriya ng Agrikultura (SINAG).
Kini human ang usa ka bulan lamang sukad nga miabot sa P350 ang matag kilo sa retail price niini.
Gipahayag ni SINAG executive director Jayson Cainglet, nga lugi na ang mga mag-uuma gumikan sa nahisgutan nga presyo samtang, daghan sa ilaha ang mas gipili nga dili na lamang mag-ani.
Matud pa nga mas taas ang magasto sa higayon nga mag-ani kung itandi sa kitaon kung ibaligya ang mga kamatis.
Bisan paman nga walay reklamo sa mga konsumante sa higayong mo-ubos ang presyo sa kamatis sa mga merkado, apan, dako ang lugi sa mga mag-uuma nga nag-unang naapektohan sa ubos nga farmgate price.
