Nakahiagom og kapildihan ang Team Philippines pila ka adlaw ayha ang 9th Asian Winter Games sa Harbin, China, sa dihang ang snowboarder nga si Adrian Lee Tongko mi-withdraw gumikan sa injury.
Naangol si Tongko sa iyang tuhod samtang naga-training sa Hakuba, Japan, ug wala na kini makigsangka sa China.
Ang coach ni Tongko nga si Kevin Bernier nikompirmar nga wala pa mohupaw ang hubag sa tuo niini nga tuhod hinungdan nga dili na kini luwas nga makigsangka pa.
Bisan pa man sa kapildihan, ang Pilipinas malaumon sa usa ka dalaygon nga performance uban sa usa ka team nga naglakip sa short-track speed skater nga si Peter Groseclose ug figure skaters nga si Isabella Gamez, Alexander Korovin, Sofia Frank, Paolo Borromeo, ug Cathryn Limketkai.
Makigsangka usab ang mga Slalom alpine skiers nga si Francis Ceccarelli ug Tallulah Proulx, kauban ang snowboarder nga si Laetaz Amihan Rabe.
Sa unang higayon, ang nasud misulod sa mga curling team, diin ang mga lalaki ug babaye nga mga squad gikatakda nga mag-debut.
