Patay ang duha ka sundalo sa 32nd Infantry Battalion sa Philippine Army human sa usa ka ambush nga gihimo sa wala pa mailhi nga mga armado nga grupo sa Barangay Upper Cabengbeng, Sumisip, Basilan.
Sumala pa sa inisyal nga imbestigasyon, nahitabo ang maong insidente alas 5:10 sa hapon kagahapon, diin ang Headquarters Company sa 32IB nagabyahe aron kuhaon sumala pa ang representante gikan sa United Nations Development Program (UNDP).
Samtang nagabiyahe kini, kalit nga mi-abot ang mga armadong suspetsado ug gipaulanan og bala ang convoy sa mga sundalo.
Gumikan sa maong panghitabo, miresulta kini sa pagkapatay sa duha ka sundalo ug angol usab ang dose ka mga kauban niini.
Sa pagka karon, nagapadayon pa ang mga otoridad sa pagdakop sa mga responsable sa maong panghitabo.
