Nikurog ang itlog sa usa ka content creator, human nga mi-comment si Senador Ronald Bato Dela Rosa, labot sa gipost niini sa maong lalake nga nag-awhag ngadto sa mga buot musalmot sa ilahang Christmas Party nga magdala lamang og toter ug foil.
Subay sa maong comment ni Dela Rosa, nangurog ang maong lalake sa dihang nabasahan niini ang komento sa maong Senador nga “Asa dapit man na dong kay moadto ko?”.
Dali sab naka-reply ang maong lalake ug miingon nga “Content lang sir”.
Gikalingawan sa mga netizen ang maong kataw-anang panghitabo sa social media, gumikan usa matud pa kana ka talagsaong butang nga magkomento ang usa ka opisyal sa gobyerno ngadto sa mga content sa usa ka content creator.
Daghan ang nagpangutana og seryoso ba ang nahimong komento ni Dela Rosa, o nahulog lamang nga yagayaga.
Hinuon, kapin usa ka oras ang nakalabay, nagpaguwa gilayon og laing video ang maong lalake, diin nangayo kinig pasaylo sa iyahang namugna nga content ug gipaklaro sab niini nga usa lamang ka tiaw-tiaw ang iyahang gipang-ingon sa maong video, gumikan ginasabayan lamang usab niini ang mga trip ug pagpakatawa sab sa mga tawo labot sa maong content.
