Gitawag ni Davao City 3rd District Representative Isidro Ungab nga dili matud pa makatarungan ang nahimong desisyon sa Bicameral conference committee, labot sa national budget sa musunod nga tuig.
Gipahayag ni Ungab nga aduna sumala pa kini nakita nga mga sayop sa distribution sa pundo matag ahensya sa gobyerno, hilabi na ang dili paghatag niini og pondo nga budget alang sa PhilHealth.
Gibatikos sab ni Ungab ang pagtagana sa gobyerno og P26 billion alang sa Ayuda Para sa Kapos ang Kita kon AKAP program.
Lakip sab sa gisaway ni Rep. Ungab ang pagbaliwala sa bicameral committee sa hangyo sa pipila ka mga senador nga dungagan og bisan P150 Million ang budget sa OVP, apan nagpakabungol-bungol lamang kini, diin nagpabilin gihapon nga anaa sa P733 Million ang pondo sa opisina sa ikaduhang pangulo sa nasud.
Kahinumdumang, giaprobahan sa Bicameral Conference Committee ang consolidated version sa 2025 General Appropriations Bill (GAB) nga P6.352-Trilyon sa National Budget alang sa musunod nga tuig 2025.
