Mibusikad pag usab ang Bulkang Kanlaon mga pasado alas 3 ang takna sa hapon, kagahapong adlawa, Disyembre 9 2024.
Gumikan sa kalit niining pagbusikad, gipasaka sa Philippine Institute of Volcanology and Seismology (PHIVOLCS) ang alerto sa maong bulkan sa Alert Level 3.
Sumala pa sa PHIVOLCS nga nagbuga ang maong baba sa bulkan og voluminous plume nga miabot sa 3,000 ka metros ang gitas-on.
Nagapasabot sumala pa nga gasugod na matud pa nga adunay magmatic eruption diin ginalaumang aduna pay mga sunod usa nga higayon nga subli kining mubusikad.
Giabisuhan sab ang tanang local government units nga ipahikling ang mga residente sa six kilometer radius gikan sa summit sa maong bulkan ug mangandam alang sa posibleng dugang nga pagpahikling ngadto sa mga residente.
Sumala pa ni PHIVOLCS Volcano Monitoring and Eruption Prediction Division chief nga si Mariton Bornas, nga ang pagbusikad matud pa sa bulang Kanlaon, usa ka “brief but strong”.
