Pinaagi sa usa ka order nga gipaguwa sa House of Representatives diin gipirmahan ni Rep. Joel Chua ug ni Sec. Reginald Velasco, gibalhin si Atty. Zuleika Lopez gikan sa detention facility niini sa House of Representatives, ngadto sa Women’s Correctional.
Daghan sab ang natingala sa maong lakang gumikan ang Women’s Correctional Detention Facility maoy alang lamang sa mga indibidwal nga adunay ginaatubang nga mga criminal charges, diin nalakip lamang kana ilawom sa executive ug dili sa legislative.
Hinuon, wala kini nadayon sa pagbalhin, gumikan sa pagdumili usab ni Lopez sa pag uban ngadto sa kapulisan aron ibalhin kini sa Women’s Correctional.
Lakip sab sa gibutyag ni Lopez nga hilabihan sab matud pa kining nahimong emosyonal gumikan sa pagpa-contempt niini, hilabi na nga nakabalo matud pa siya nga iyaha lamang ginabuhat ang iyahang trabaho og wala kini dautang ginabuhat ngadto sa uban.
Padayon sab ang panawagan sa mga taga suporta niini nga kinahanglang ilhon na matud pa sa mga kongresista ang balaod, ug undangon na niini ang ginabuhat nga power tripping ngadto sa mga kalaban niini sa politika.
Lakip sab sa gikwestyon sa pipila nga og nganong adunay gipaguwa nga kamanduan gikan sa buhatan sa Kamara nga anaa man unta kini sa tungang gabii.
Gibutyag sab ni Lopez nga wala na matud pay balaod ang nasud karun, alaot lamang ang katawhang Pilipino.
Kahinumdumang, nakulong si Atty. Zuleika Lopez, ang Chief of Staff sa OVP, human nga gi-cite in contempt kini, gumilkan sumala pa sa dili pag istorya niini sa tinuod ngadto sa pagdungog sa House Blue Ribbon panel.
