Nagpasuko sa mga kaalyado ni US President-elect Donald Trump ang pagsugot ni US President Joe Biden sa Ukraine nga gamiton ang long-range missiles sa pag-ataki niini sa Russia.
Bisan paman nga wala mihatag ug komento si Trump sa nahisgutang isyu, apan kung kahinumduman nga usa sa nagpadaug kaniya sa eleksyon ang iyahang gikasaad nga tapuson na niini ang giyera.
Pipila sa mga haduol kang Trump ang mikondena sa nahisgutang lakang ni Biden nga gitawag ug “dangerous escalation”.
Usa na niini si Donald Trump Jr., ang kinamagulangang anak sa US President-elect kung diin gakusahan niini si Biden nga gisulayan kunong madayon ang World War 3, una paman makalingkod sa posisyon ang amahan niini.
Samtang ang desisyon ni Biden ang dili pa pormal nga gikumperma sa White House bisan paman nga unang migawas sa mga report nga gikumperma kini sa mga US officials nga pamilyar o adunay nasayran sa nahimong desisyon ni Biden.
