Nabalaka ang National Aeronautics and Space Administration (NASA) gumikan sa nagsunod nga pag-abot sa mga bagyo sa West Pacific partikular na sa Pilipinas nga ginahulagway sa ahensya isip ‘unusual sight’.
Sumala sa NASA nga sagad mahitabo ang Typhoon season sa West Pacific sa bulan sa Mayo ug Oktubre lamang.
Sumala usab sa Japan Meteorological Agency, ang sunod nga pag-abot sa bagyo ning bulana sa Nobyembre sa kadagatan sa pasipiko partikular na sa nasud ang natala isip ‘first time’ sa kasaysayan sugod niadtong 1951 kong diin natala usab ang sunod nga pag-abot sa mga bagyo sa Pacific basin.
Kung kahinumduman, nagsunod lamang nga misulod ang mga nakalabayng bagyo sa kayutaan sa Pilipinas, lakip na ang Bagyong ‘Marce’ nga miigo sa nasud niadtong Nbyembre 7 og human lamang ang upat ka adlawa, misulod usab ang bagyong ‘Nika’ nga maoy nakadala og kadaot sa probinsya sa Aurora.
Niadtong adlaw sa huwebes sa nakalabayng semana sa bulan gihapon sa Nobyembre, misulod usab ang bagyong ‘Ofel’ kong diin libuan ka mga residente ang gipahikling sa may bahin sa Northern Luzon.
Samtang, gitaho usab sa state weather bureau ang pagsulod sa bag-ong bagyo nga ‘Pepito’ nga gilaumang ma-igo sa Bicol, Central Luzon ug Metro manila nga posible matud pang mas mokusog isip super typhoon.
Sa gibuhat nga assessment report sa United Nation (UN) humanitarian coordinator sa Pilipinas sa nakalabay’ng mga bulan, miabot na sa 207,000 ka mga panimalay ang naguba sa nagsunod nga mga bagyong miagi sa Pilipinas kong diin 700,000 ka mga indibidual ang padayong nagapabilin sa mga evacuation centers.
