Mosugot ang mga lider sa Quad Committee sa Kamara de Representanes nga angkonon ang gasto sa pamasahe og akomodasyon ni kanhing Pangulong Rodrigo Duterte aron makatambong lamang kini sa pagdungog kalabot sa mga kaso sa extrajudicial killing sa war on drugs campaign niini.
Lakip matud pa sa mag amot-amot mao sila Quad Comm overall chair Robert Ace Barbers, ug mga co-chairman nga sila Dan Fernandez, Bienvenido “Benny” Abante Jr., at Joseph Stephen “Caraps” Paduano, vice chair Romeo Acop, Senior Deputy Speaker Aurelio “Dong” Gonzales Jr., ug si Deputy Speaker David “Jay-jay” Suarez.
Ang wala matud pa usab pagtambong ni Duterte maoy gikaguol sa pipila ka mga kongresista nga sila Majority Leader Manuel Jose “Mannix” M. Dalipe, House Assistant Majority Leaders Jay Khonghun sa Zambales ug Paolo Ortega sa La Union, diin gibutyag sab niini nga nahadlok matud pa si Duterte hinungdan nga dili kini makatambong.
Kahinumdumang atol sa nahimong pamahayag ni Duterte, gibutyag niini nga wala matud pa kini pamasahe aron mutambong sa pagdungog sa Quad Comm
