Gilampaso ni US Vice President Kamala Harris ang iyahang kaatbang nga si kanhing US President Donald Trump sa estado sa California.
Hilabihan ang nahimong suporta sa mga botante sa maong estado ngadto kang Harris, diin pagsulod sa 50% nga vote count, nahimo gilayong milamang si Harris og halos duha ka milyon nga boto.
Ang California maoy usa sa giilang blue state (Democrat) nga pila na usab ka dekada na kining nagabotar ngadto sa Democratic Party.
Sumala pa, nga ulahi kini mibuto og Republican niadto pang 1988 US Presidential Elections, diin midaog si kanhing US President George H. W. Bush.
Sukad niadto, gipili na sa California nga ibotar ang mga presidential candidate nga nagarepresenta sa mga Democrats sa nakalabayng walo na nga sagunsong presidential elections.
Ang California usab ang adunay pinakadakong electoral college vote sa tibuok nasud sa Amerika, rason nga gibansag kini isip usa ka pinaka-influential state sa tibuok nasud sa Estados Unidos.
