Nag-overtime na parehas sa pagpangampanya sila Kamala Harris ug Donald Trump aron nga makakuha og daghanang botante sa Michigan.
Kahinumdumang gipildi ni US President Joe Biden ang Republican nga si Trump, pinaagi sa 155,000 margin sa Michigan niadtong 2020, diin nakakuha kini og daghanang mga suporta gikan sa mga komunidad sa Muslim ug Arab American.
Dako matud pa kining kabag-ohan sukad niadtong tuig 2016, sa dihang gipildi ni Trump si Hillary Clinton pinaagi sa 11,000 nga boto.
Nag-atubang sab si Harris sa mas dakong hagit gumikan sa halapad nga kasuko og pagkapakyas sa padayong military US support alang sa gubat sa Israel ug Gaza.
Direkta sab nga miapela si Trump sa komunidad sa Arab-American ug nagpasalig kini nga humanon ang mga gubat sa Middle East nga personal matud pa kining makaapekto sa kadaghanan.
Samtang, naghatag usab si Trump sa iyahang ulahing pahayag sa suporta sa Pennsylvania, diin mao kini ang pinakadako nga estado sa pito ka estado nga ginalaumang mudominar nga boto sa eleksyon sa Estados Unidos.
Naghatag sab og closing pitch si Harris alang sa iyahang pagkapangulo sa Estados Unidos sa usa ka maksaysayanong Black Church sa battleground state sa Michigan.
