Padayong nanawagan si Senator Risa Hontiveros sa Department of Justice (DOJ) ug sa International Criminal Court (ICC) nga kinahanglan matud pa papanubagon na si kanhi Pangulo Rodrigo Duterte sa mga gipangluwatang pamahayag niini, lakip na usab ang pag-angkon niini nga adunay Death Squad, atol sa gipahigayong Senate Hearing niadtong nakalabayng mga adlaw labot sa war on drugs.
Saysay pa ni Hontiveros nga under oath kon gipanumpaan matud pa sa kanhi Pangulo ang iyahang gipangluwat nga mga pamahayag niini ngadto sa komite sa Senado, diin gina-awhag matud pa niya ang mga kapulisan kaniadto nga hagiton ang mga suspetsado nga makig-pinusilay aron nga adunay mangamatay panahon sa enkwentro.
Lakip sab sa giawhag niini ang mga ginikanan nga kinahanglan nga dili makatan-aw ang ilahang mga anak sa gipahigayong pagdungog sa Senado gumikan sa sige matud pag pamalikas ni Duterte.
Dugang pa sa maong Senadora nga dili angay matud pang buhatong komedya kon kataw-anan ang mga nahitabo, hilabi na nga seryoso matud pang hisgutanan ang war on drugs, diin daghanang mga kinabuhi sa mga tawo ang nawagtang.
