-- ADVERTISEMENT --
Gipahayag sa tigpamaba sa Philippine National police (PNP) nga si PBGen. Jean Fajardo, nga nagahatag na matud pa kini og direktiba sa PNP Chief Police Gen. Rommel Francisco Marbil nga pangandaman ang posibleng epekto sa umalabot nga bagyong Marce.
Gibutyag ni Fajardo nga aduna na matud pay koordinasyon ang nasudnong pulisya ngadto sa mga Local Government Units partikular na sa mga dapit nga ginalaumang maigo sa bagyo.
Nakaandam na usab sumala pa karun ang pwersa sa kapulisan og ugaling adunay ipahigayon nga preemptive evacuation.
Samtang, miapela usab ang PNP ngadto sa publiko nga nagpuyo sa mga lugar nga ginabaha ug adunay posibilidad usab nga ginabaha, diin kinahanglan nga pangandaman ang pagpahikling.
