-- ADVERTISEMENT --
Padayon nga ginabantayan sa state weather bureau PAGASA ang na-monitor niining daut nga panahon sa gawas sa Philippine Area of Responsibility (PAR). Kini maoy subay sa l0:00 a.m weather bulletin sa DOST-PAGASA karung adlawa.
Na-detect kining maong Low Pressure Area (LPA) nga adunay gilay-ong 1,485 km sa Sidlakang bahin sa Visaya.
Sumala pa sa state weather bureau, nga taas matud pa ang tyansa nga mahimong bagyo ang namonitor niining LPA sa musunod nga 24-oras.
Aduna sumala pay posibilidad nga musulod sa PAR ang LPA karung gabhiona o ugma sa buntag, adlawong Lunes. Ugaling mahimo kining bagyo, nganlan kinig “Marce”, kini na usab ang ika-12 ka bayo nga musulod sa tuig 2024.
