Gipahibalo karun ni PCapt. Hazel Tuazon, ang tigpamaba sa Davao City Police Office, nga padayon sumala pang naka monitor ang ilahang mga personahe, labot sa mga nadawatang mga taho nga aduna sumala pay mga menor de edad nga nakalusot sa mga nagkadaiyang sementeryo aron nga didto mag-date, lakip na usab nga adunay mga botelya usab sa mga ilimnong makahubog ang nakaplagan partikular na sa Catholic Public Cemetery.
Sumala pa ni Tuazon nga aware na matud pa sila sa maong report, apan hangyo sab ni Tuazon ngadto sa publiko, nga og ugaling makakita kini og susamang binuhatan gilayong ipahibalo kini sa mga otoridad.
Dugang pa niini, nga kinahanglan gayud sumala pa ang kooperasyon sa publiko aron nga mapakgang kining ingun aning binuhatan, ug dili lamang ang mga security cluster maoy pasagdan sa pagbantay, lakip na usab ang mga ordinaryong tao maoy adunay katungod nga mubantay usab labot sa mga iregularidad nga mahitabo sa palibot samtang gina-obserba ang adlaw sa mga minatay.
Samtang magpabilin sumala pa gihapong nagabantay ang kapulisan og ugaling muabot og kalit si kanhi Pangulo Rodrigo Duterte sa lubnganan sa iyahang mitaliwang inahan, diin gilubong kini sa maong Catholic Public Cemetery.
Matud pa ni Tuazon nga magpabilin gihapon kining nagaandam bisan og kabalo na matud pa ang kadaghanan nga sa liwas sa kalag-kalag gayud nagabisita ang kanhi Pangulo ngadto sa puntod sa iyahang inahan.
Pagpaklaro ni Tuazon nga magpabilin gihapon kining magmaigmat ang kapulisan sa tanang panahon aron nga sigurohon usab ang seguridad sa kanhi Pangulo, og ugaling muduaw na kini sa maong sementeryo.
