Hingpit na nga nahimong Supertyphoon ang bagyong Leon, samtang nagpabilin kini sa Philippine area of responsibility.
Ulahing nakita ang sentro sa bagyo sa gilay-on nga 360 kilometros sa silakan nga bahin sa Calayan, Cagayan. kini ang adunay maximum sustained winds nga 185 kilometers per hour (kph) hangtod sa 230 kph.
Milihok kini pakasadpan padulong sa amihanang kasadpan sa gikusgon nga 10 kph.
Gikabalak-an nga magbundak kini ug ulan nga tugbang sa usa ka bulan.
Sa pagkakaron ang probinsya sa Batanes ug Babuyan Island ang gipailawom na karon sa signal no.4, samtang ang ubang mga lugar sa Northern Luzon, Central ug Bicol Region anaa sa signal no.3, 2 ug 1.
Gani, nangandam na ang pipila ka mga residente sa Ivana, Batanes pinaagi sa paghikot og pisi gikan sa ilang mga pultahan paingon sa railings nga ilang makita aron sa higayong maglunop ug gikinahanglan na nga muhikling, duna silay magunitan pagawas.
