DAVAO CITY – Wala miuyon si Davao City Councilor Bernie Al-ag, labot sa pagpasirado sa Tagurano Upland sa Brgy. Tagurano, Davao City gumikan apektado matud pa ang kahimtang sa mga lumulupyo sa maong dapit.
Lakip sab sa gibutyag ni Al-ag mao ang pagkumpirma niini nga siya matud pa ang konsehal nga misaka gayud sa maong dapit, dili aron nga mag hike, apan aron kumustahon ang kahimtang sa mga residente sa maong dapit, diin nakita matud pa niini nga hilabihan ang pagkalugi sa pipila ka mga negosyo,gumikan pagpasirado sa Tagurano Upland.
Subay sa maong panghitabo, mireklamo ang Brgy. Tagurano Council labot sa aduna matud pay opisyal nga misaka uban ang mga hikers sa battlefield nunot pa man sa hingpit nga gipatuman nga Cease and Desist Order kon Closure gikan sa Department of Environment and Natural Resources (DENR).
Nanawagan sab si konsehal Al-ag sa mga opisyales sa maong barangay nga inay lantawun ang violations, unahon una ang pagtabang sa mga residenteng apektado sa closure.
