Hingpit nga gilimod ni Senador Christopher Bong Go, labot sa mga alegasyon nga aduna sumala pay “reward system” sa nakalabayng administrasyon nga naglambigit sa matud pa nga palpak nga anti-drug campaign, ug gitataw niini nga wala matud pa siyay kalambigitan sa maong alegasyon.
Dugang pa ni Bong Go nga andam sab matud pa kining muatubang sa mga gipahamtang nga mga akusasyon ni Garma nga usa siya sumala pa ang utok sa pagpahigayon og reward system ngadto sa mga personahe sa kapulisan og adunay mapatay nila nga drug suspect atol sa ilahang ginapahigayong drug operation.
Kana subay usab sa gibutyag ni Garma nga aduna sumala pay kalambigitan sila Bong Go ug si kanhing Pangulong Duterte sa matud pa reward system nga diin maoy ilahang gikopya gikan sa ginatawag nga Davao Model.
